مشـــآهـد ..}~

بسم الله نبدأ ^^



اليوم الخميس تاريخ 20 / 8



ببتدي من اول شي سويتهـ ..



رقدت الساعه 12 وقمت قبل اذان الفير بشوي صليت ودخلت المسن .. كلمت مزووجتي فديتهاا لي الساعه 7 ونص 8 الا تقريباً



وعقبها على الـ 8 جي رحت رقدت لي الساعه 12



وعقب صليت الظهر ورحت تغديت ويلست على المنتدى وشفت تلفزيون لي العصر



عقب صلآة العصر قمت تسبحت وتجهزت عشان بروح بيت مزووجتي الله يخليها لي ولا يحرمني منها ان شاء الله ^.^



على الساعه 5 ونص طلعت من البيت .. و6 الا وصلت عندها



يلسنا شوي وعقب رحنا سوق واقف نشوف موديلات دفاف رحنا جم محل ورجعنا البيت



بطلنا التلفزيون على قناة السعوديه عشان نعرف متى رمضان .. وخليناه مبطل



عقب قمنا يلسنا على اللابتوب ويلسنا نشوف الصور ونحوس فيه ^^

واحنا على اللاب اتصلت جوري ويلست تسالف ويانا

وعقب قررنا نطلب عشى .. فاتصلنا في هارديز

وفطر ما ايبون العشى يلسنا نصور ونسوي حركااات .. فـــن كااان =)

لي يابوا العشى

وقامت مزوجي يابت سفره وحطينا الاكل عليها ويلسنا نتعشى



وعقب ماخلصنا



يلسنا نسولف اشوي الا نشوف البحرين تعلن ان يوم الجمعه متمم لشعبان والسبت اهوا اول يوم رمضان .. كان الاحساس ان مب يوم الجمعه صج ومزووجي كانت حدهاا حاسه وصح طلع ^.^

عقب رجعنا على اللاب توب اشوي ويلسنا نسووولف =)



على الساعه 11 الا امي اتصلت انهم بيون ياخذوني =(

وعقب بشوي ياوا خذوني ..

بس الحلو اني نسيت اللاب توب ههـ يعني ليحين ماخلص اليوم =)

طقيت الجرس واطلعت لي مزوجي ويابته لي .. سالفت وياها اشووووي

لي خلاص طلعت وخلص اليوم =(

صج استانست وـآآآآـيد من زماان ماتيمعت وياها جي =)

فديتها والله .. الله يخليها لي ولايحرمني منها =)

وعقب رجعت البيت يلست ويا بيتنا ..

لي الساعه 1 وشي دخلت المسن ويلست اسولف ويا مزووجي لين الساعه 3 ونص

عقب طلعت ونطرت الاذان صليت ورحت رقدت

صج هاليوم كان ونااااسه

يوم الخميس 13 رمضان

قمت من النوم وقلت حق بيتنا ابي اروح اشتري اغراض حق القيرقاعون ( لان احنا من العام بدينا نسوي مسابقه احلا تصميم وعقب نتبادل ويا بعض )
فرحنا وماحصلت اللي ابيه فخذت اشياء ثانيه
واول مارجعت البيت يلست اشتغل عليه .. خلصت منه بس مب كل شي لأن القيرقاعون ليحين ماشريناه
فهديته ..

 ورحت ايلس ويا بيتنا وشفت تي في لي الفطور
عقب الفطور صليت وتجهزت لان بنروح حق بنت خالتي المستشفى (( لانها ولدت ))
فرحنا هناك وابوي ويا اخواني راحوا التراويح يلسنا لي عقب التراويح رحنا بيت يدتي
واحنا هناك يدتي تقول حق امي وابوي ان خالتهم تعبانه .. وعمي خبر ابوي انها تعبانه
فطلعنا من هناك من وقت يعني رجعنا البيت من وقت عشان يروحون لها
وصلت البيت يلست اشوف تلفزيون

وعقب ياوا ويايبين وياهم القيرقاعون فكملت التصميم >>

وقبل السحور كلمت مزوجي ^.^
عقب قمت تسحرت وقريت قرآن .. لي اذن صليت ورجعت اقرا قرآن .. عقب رحت ارقد .^.*.

يوم الجمعه 14 رمضان .. وما ادراكم ما هذا اليوم انه
القيرقااعوون

قمت من نومي ورحت اصلي الظهر .. عقب رحت حق امي اشوفها تسوي الفيرقاعون اللي بسم اخوي الصغير

وانا كان في بالي اني ابي اسوي حلاوه شي .. فرحت المطبخ وسويت حلاوة >> مادشت مخي بس اهم شي عجبتهم >> مايندرى كانوا يجاملون وله صج خخخخ

المهم عقب ماسويتها طلعت برع شفت تلفزيون ويا امي .. وانا اشوف ياتني النوده ورقدت خخخ
اذن العصر قوموني حق الصلاه .. قمت صليت وقريت قرآن
عقب امي نادتني تبيني احط البطايق على قيرقاعون اخوي .. فرحت حطيتهم
وعقب ماخلصت
رحت المطبخ اساعدها .. وانتظر الاذان
اذن .. تفطرنا وصليت .. وتجهزت
وطلعنا .. ورحنا بيت يدتي
صج هالقيرقاعون غير عن كل مره .. استانسنا
خخخخ وولا الجوري كانت لابسه بخنق كككك
وبيتهم كانوا يايبين سيدي اغاني شعبيه فكان جـوا

فديت ربعي انـا .^_^.


امسـ الاربعـآء .. اتفقت ويا مزوجتي ان نطلع نتغدى برع عقب الجامعه .. واقترحت مزوجتي ان نقول حق ربعنا بعد

فقلنا لهم .^_^. ورحنا نتغدى في يم يم .. وعقب ماتغدينـا كنا متفقين ان نرجع البيت نتيمع فيه

بس قالوا انهم مايبون يرجعون وخاطرهم يطلعون .. فرحنـا عذـاري .. يلسنا نلعب ونصور =)

وطلعنـا المغرب وصلنا البيت ع اذان العشاء .. يلسنـا ويا بعض .. =)

لـي 9 ونص جي رجعوا =( وحسـافه خلص اليوم بسرعه =(

لكن استانست فيه كان وناسه .^.^.